ارجنٹائن میں2 ہیلی کاپٹروں کے حادثےمیں 10 افراد ہلاک

مہر خبررساں ایجنسی نے رائٹرز کے حوالے سے نقل کیا ہے کہ ارجنٹائن میں " رئیلٹی شو" کی عکس بندی کے دوران 2 ہیلی کاپٹر آپس میں ٹکرا گئے جس کے نتیجے میں  10 افراد ہلاک ہوگئے ہیں۔

اطلاعات کے مطابق شمالی ارجنٹائن کے پہاڑی علاقے لا ریوجا میں 2 ہیلی کاپٹرز ہوا میں ٹکرا کر تباہ ہو گئے جس کے نتیجے میں 10 افراد ہلاک ہو گئے۔ ہلاک ہونے والوں میں فرانس کے رئیلٹی شو کے افراد بھی شامل ہیں۔ تباہ ہونے والے ہیلی کاپٹرز میں سے ایک لا ریوجا صوبے کا تھا جب کہ دوسرا سانتیاگو حکومت کی ملکیت تھا۔ حادثے کی وجوہات کے بارے میں تاحال کچھ پتہ نہیں چل سکا ہے۔